فى شويه جمل بقالى مده كتيره بسمعها من ناس كتير اوى , زى
ايه ده مسيحى و مبيشربش خمره !!
يابختكو يا عم بتشربوا عادى فى البيت
هو مشالانجيل قايلكم اشربو خمره عادى ؟؟؟
بيوزعوا عليكم فى الكنيسه نبيت (نبيذ يعنى)
و من هنا فكرت هم بيقولو كده ليه ؟؟؟؟ و بدأت ادور الجمل دى فى دماغى و قولت ادور على سبب ان كتير بيقولو الجمل دى
اول حاجه عملتها جريت و دورت على جوجل و يوتيوب لقيت كلام كتير وفيديوهات لشيوخ بيتكلمو ان المسيحيون بيشربوا الخمره عادى جدا , وان ده مش خطيه عندهم و ان الانجيل هو اللى قايلهم يشربو كده و يستشهدو بمعجزه تحويل الماء لخمر (وان دى اول معجزه عملها عيسى شوفتم بدأ معجزاته بالخمر) و الايه اللى قالها بولس الرسول لتلميذه تيموثاوس " لا تكن فيما بعد شراب ماء بل استعمل خمرا قليلا من أجل معدتك و أسقامك الكثيرة "
وبدأت افكر طب الناس بتصدقهم ليه و ده لأنى عارف الصحيحه للمعجزه و الأيه و نسيت اساسا ان اللى بيقول الكلام ده اكيد عمره ماهيفكر يشوف حقيقه الكلام ده لأنه صدق كلام الشيوخ المهاجمين, و من هنا قررت اكتب اول بلوج ليا عشان اوضح الموضوع .
1- الاباركه اللى بتستخدم فى القداس ايه هيا ؟؟؟
أباركة:كلمة معربه عن اليونانية و معناها باكورة , و تطلق على عصير العنب يعنى بدايه صناعته مش لما يتحول لنبيذ مسكر وده اللى عمله المسيح فى المعجزه
2- الايه
المعروف ان زمان ماكنش في ادويه زى ما موجود حاليا فكان بيستخدم حاجات بدائيه للعلاج و كان الخمر بيستخدم زمان للعلاج
اتمنى انى اكون قدرت افيدكم :)
ليست هناك تعليقات:
إرسال تعليق